Wednesday, November 08, 2006

شخابيط

سموها شخابيط !! رسمتها اليوم وما ادري اذا جانت تعبر عن مجموعة افكار مخلوطة ببعضها وما مخليتني اركزاو بكل بساطة ما تعبر عن اي شي ، ضجت من كعدة البيت، ضجت من الوضع المزري والتعبان والي دة يسوء يوم بعد يوم، صاير مزاجي سلبي هاي الايام وعلى طول حواجبي عبالك رقم 88...
المهم، الجو اليوم بارد، اجانا الشتا واخيرا، كلية ماكو وما اعرف لشوكت..
اهووو...ماكو كلام..

5 comments:

Bassam Sebti said...

I love your shakhabeet!

Marshmallow26 said...

الله عبالك هاي المتاهات اللي جان يخلوها بفقرة تسلية بمجلة ألف-باء

صدكيني ميشو شمتكولين عالوضع حقج...لان ماكو اي تحسن

layal said...

اقولج ....انتي فنانه
والجو بدء يحلو
تحياتي

LionKing said...

شخابيط .. كلمة واذا جانت ماتعبر عن معنى شي بس مرات اتمنى ان احول الافكار اللي تدور ابالي الى شخابيط عسى ولعل اوجد الها الحل بهذا الشكل ..
اسم الموضوع حلو ومن شفت اللوحة وان كانت تسمى شخابيط بس من الصعب ان تقلد يعني هيه اشبه بشي يسموه بالسهل الممتنع شكد ماهية احس اللوحة بسيطة بس شكد صعب الواحد يقلدها ... حلو الفن هذا وحلو ان نسمي فن جديد باسم فن الشخابيط ..
ترة افكارنا اللي موجودة بدماغنا اتخيلها بهذا الشكل بس ممكن ان نفك تشفير هذي الشخابيط ونطلع منها معاني وحلول .. ادري كمت اتفلسف وهاي مو خوش عدوى بس راضي بيها !!

Michomeme said...

treasure of baghdad:
thanx...i love it too :)




marshmallow26:
ههههههه والله ذكرتيني بأيام المتاهات، حيل مجلة الف باء شكد قديمة..

اني ما دا الكة كلام حتى احجي بي عن الوضع بطريقة توصل احساسي..مدة تشوفيني مدا اكتب مواضيع طويلة مثل قبل لان مدا اكدر الكه الكلام المناسب للوضع وما اريد احجي عنه هم..

الله يحفظ الجميع يا رب




ليال
كلج ذوووق والجو جنان، رجع الشتا رجع الشتا..






lionking
اخ...عدوى الفلسفة مني؟ انا مليش دعوة، ترة كل اصحاب برج الميزان فلاسفة، بحيث تشوفهم واحد يفهم اللخ بدون ما يعانون من مشكلة في التواصل بينهم..
اللوحة اجتي بلحظة من التوهان في التفكير، دوامة مال افكار مستقبلية ما تكدر تعرف شنو نهايتها الا اذا تنتظر الزمن شلون يمشي بينا وانت تشوف الايام شنو ضامة النا...
اذا حلو اسم الشخابيط للفن ف كلمن يلزم ورقة وقلم ويشخبط ويكول اني فنان شخبوطي..يعني مثل ما شخص يكول فنان تشكيلي..تشكيلي واشكيلك..

هالمرة اني كمت احشش..وترة التحشيش مو خوش عدوى بس راضية بيها.!!!

بس شنو هالغيبة الطويلة؟؟؟