ايام وبنعيشها

الي يزعجني باللحظات الاولى الي اقرر بيها اكتب موضوع جديد، انه ما اعرف من وين ابدي ،المواضيع الي تشغل بالي عددها لا يوصف وبرأيي كلها مهمة ، على الاقل بالنسبة الي، من اول الي اريد اكتب عنه واللي متعبني ، وضعنا المزري جدا والبائس جدا الي عايشين بيه، والي لو وصفته ما انطي الصورة الصحيحة اله، ومشاهد القتل و الصور الدموية الي تعرضها الفضائيات اكبر دليل على سوء الوضع، ومسبب جيد يخلينا نعاني ، وبسبب الظروف الامنية الي وصلت الى اسوأ مراحلها بهذي الفترة، بدأت اسمع بابا وكلامه :" بنتي لا تروحين للكلية والله اخاف عليج ومتعرفين شنو يصير بيه لحد ما توصلين للبيت بسلامة، حاولي يكون الدوام بس بالايام الضرورية"..اني ما اكدر اعلق على كلامه بس بجملة وحدة:" تفائل بابا ان شاء الله ماكو شي".. اقول للبابا تفائل واني نفسي بديت افقد الاحساس بالتفائل، او على الاقل بهذي الفترة الغريبة الي دا امر بيها، هو احساس بالملل، بالانزعاج، بالخوف من المجهول، بالخوف على نفسي وعلى اهلي ومعارفي. هذا من جانب الاهل والاوضاع الامنية،اما باللي يخصني اكثر، احساس غريب وجديد عليه، وكأنما مضيعة شي ودا ادور عليه ومدا الكاه! مدا اكدر الكة تفسير لهذا الشعور المزعج، والاحساس الثاني، الانتظار لشيء مجهول يخص المستقبل او يخص الوضع العام او يخص حياتي...هي الدنيا كلها مخربطة ومقلوبة ومحترقة ومدا اعرف شنو السبب. اصلا اني ليش دا اكتب كل هذا الكلام الي يزيد الملل عندي..؟؟

24\3\2005 to 24\3\2006.....friendship's day

TITANIC

Although it was a big SHIP but it sunk

so the best Ship is still our FRIENDSHIP.

" I just want to say something, happy anniversary, and i wish our friendship will never sink like the TITANIC, and i'm so happy cuz you are my friend ''

بين بغداد ..وباريس

احس بنفسي اني واقفة في مفترق الطرق ويجب علي ان اختار بأي طريق اسلك، اجد نفسي حائرة امام هذه الاختيارات وكل منها قد يحدد مصيري او عواطفي ومستقبلي او اي شيء اخر في داخلي ، اجد احد الطرق سالكة جدا ولا اجد اي شيء من الصعوبة في توجهي اليه ، لكن احساسي بعدم واقعية ما يحدث في هذا الطريق هو الذي يجعلني مترددة في اتخاذ هذا الطريق هو خطوة اولى لبداية شيء جديد من حياتي. لو سرت في هذا الطريق، سأشعر بأني اعيش في عالم الخيال والفانتازيا التي لا نجدها الا في الافلام الرومانسية او القصص والروايات الخيالية التي لا ترتبط بالواقع بأي صلة.او سأكون اخدع نفسي وانا الشخص الواقعي جدا والصريح جدا مع نفسي والاخرين، وسأتبع حلم لن يوصلني الى اي شئ ملموس..سوى الى المجهول، وعلي ان انتظر طويلا لاكتشف ان كانت نهاية هذا الحلم حقيقة ام مجرد وهم وافكار من نسج خيالي الغريب احيانا والذي لا يفهمه الا القليل جدا.انا متأكدة سيأتي يوم واستيقظ من هذا الحلم..كلا لا استيقظ لان لاحاجة للاستيقاظ هنا وانا مدركة بأنه مجرد خيال..لكن سيأتي يوم واترك هذه الفكرة تماما..لكن هناك شيء يشدني الى هذا الخيال..اجد فيها ما يرضيني..لكنه غير واقعي..واحس بأني علي ان اضع حدا لهذا التفكير ولكن كلما احاول ان ابتعد عنها اجد نفسي اذهب بعيدا جدا واطير في خيال جميل يذهب بي الى اجواء الرومانسية الفرنسية واتصور نفسي وانا اسير في ليل فرنسا وارى انوار برج ايفل تضيء عتمة الليل..فأنتقل الى اذاعة مونيكارلو لآستمع الى احدى الاغنيات الفرنسية حتى يكتمل هذا المشهد الرائع والساحر والحالم جدا..لكنه غير واقعي!!!

اما الطريق الثاني، فهي الحياة التي اعيشها الان..حياة من يعيش معي ويحس معي ويفكر معي ويشترك معي بأمور عديدة يصعب علي تعدادها بسبب كثرتها..!! اجد في هذا الطريق كل الاهل وكل الاصدقاء وكل من احب !!..اجد طفولتي ومراهقتي وشبابي ومستقبلي..وكل ذكرياتي وصداقاتي التي اعتز بها كثيرا..اجد التواصل والتفاهم..اجد اوقاتا جميلة ..لا تقدر بثمن واجد اياما حزينة احتاج فيها الى كل من يهمه امري ويهمني امرهم..واحس بأيام جميلة قادمة تكون واقعية جدا...بغض النظر عن الوضع المتأزم الذي يدور حاليا في العراق.

اجد مستقبل جميل ينتظرني كما اخطط له في مخيلتي، ارى من هم مثلي ، فكيف لي ان اسافر بخيالي الى فرنسا واترك اغلى الناس عندي هنا وهم يحرصون على وجودي معهم؟؟!! هكذا هي الحياة مليئة بالتناقضات.

اصبحت مقتنعة بأن حياتنا مليئة بالتناقضات الغريبة جدا ..وكل يوم تكون على حال يختلف عن اليوم الذي قبله وبعده..وفي كل يوم تعيش بأربع مواسم..لا تعرف على اي منها ستستقر..فكل ما في حياتنا يأثر علينا سلبا وايجابا. فتنهظ في الصباح لتجد الربيع والاجواء المنعشة وبعدها تنتقل الى الشتاء الذي يجمد حتى الاحاسيس فتشعر بأنك انسان بدون مشاعر وبدون قلب..لكن رغما عنك..وانك تعيش لتنتظر قدرك ومصيرك الاخير وتبقى في مكانك دون حراك...فتعم الفوضى لديك وتجد نفسك حائرا وهائما وضائعا فتحاول الخرج من هذه الحالة ..فتنتقل بعدها الى الخريف لتهدأ الاجواء ..وتكتشف بأن الحياة مرة واحدة وعليك ان تغتنم الفرصة وتعيش اللحظة والوقت يسير بأتجاه واحد ولا ينتظرك ابدا..فتملآ قلبك بالتفائل الذي تجمعه من عيون اشخاص معينين وتحلق في اجواء النشاط والحيوية وتعيش صيفا اجمل ما يكون وتتمنى لو العمر كله صيف وتعود مرة اخرى الى الربيع والشتاء وبقية المواسم..وهكذا الحياة في دوران مستمر مثل الارض التي تحملنا عليها...وغنت فيروز عنها..: اذا الارض مدورة يا حبيبي..راح نرجع نتلاقى يا حبيبي..

بعد كل كلامي هذا..قد اجدني واقفة على مفترق الطرق ومترددة في الاختيار..لكن سأضع حدا..واختار الواقع..الذي حياتي كلها فيه..

وانتظر ما يخبئ لي المستقبل.وما ستثبت لي الايام..ومواقفها!!!!

16\3\2006 wed.

العشرة ما تهون

العشرة ما تهون

الا على ابن الحرام..
يا طير يا مسافرله

وصله هذا الكلام

ميت حبيبك كله

والليل ابد ما ينام

عشرتنا ما ناسيها

كل يوم افكر بيها

عشرتنا ما ناسيها

كل لحظة افكر بيها

والعشرة ما تهون الا على ابن الحرام..

طول علي بغيابه

واني موتني الحنين

يا طير من يرضاها؟

ناسيني كل هالسنين

ذبلت الوان ورودي

والدمع فوك خدودي

حتى النهار بعيني بغيابه صاير ظلام

سافر وكلي اصبرلي

راجعلك اني اكيد

راح وبعد ما جاني

وخلاني عايش وحيد

يا طير من يرضاها؟

ايامنا ينساها..

والعشرة ما تهون الا على ابن الحرام

هذه الاغنية سمعتها بأحد الليالي الي اقضيها بغرفتي واسمع الراديو، عجبتني كلماتها ولحنها، والشخص الوفي مستحيل تهون العشرة عليه، وينسى الناس الي يعرفهم والي قضى وياهم ايام من عمره.حتى لو كانت ذكرياته عنهم حلوة ومفرحة، او حزينة ..

لسماع الاغنية

http://www.6rbtop.com/download.php?song_id=27335&type=au&q=hi

5\3\2006 sunday

ليه..اسمع كلام واحلم معاه واتشد ليه

فجأة الغرام يطلع كلام عشمني بيه

ومين عارف اكيد قابل غرام تاني

وايه تاني هواه مخبيه ..؟؟

ليه..برضى بعذاب قلبي الي ذاب من عشقي ليه

ايام جميلة فعمرنا وهانت عليه

حرام ينسى الي كان بيننا وينساني

وانا بس الي افكر فيه

بدأ يومي على صوت اليسا وهاي الاغنية بالاخص....سمعت صوت السيارة وطلعت من البيت..صعدت بالسيارة...وسلمت على ابو الخط..ورحنا على باقي البنات...وبالطريق كنت اسمع هاي الكلمات وافكر.....(اني من محبي اغاني اليسا)...عدة امور تشغل بالي...كنت اتسائل بيني وبين نفسي...اني ليش ما نمت البارحة بسهولة...ظليت تقريبا ساعة بس احاول انام...لكن المحاولات كلها فشلت...المهم...حاولت اتجاوز هذا السؤال وما الكة الاجابة عليه..طول الوقت اباوع على الشارع..وعلى الناس الي متوجهين لشغلهم او لجامعاتهم...شوية تفائلت ..اكو مظهر من مظاهر الحياة اليوم...لكن اكو خوف متملكني...فكرت بصديقاتي الي جامعتهم بعيدة عن بيوتهم..وشلون راح يوصلون ...لو شلون راح نرجع للبيت..او الوكت بالكلية شلون راح نقضيه ؟؟ اكو طلاب؟؟ اكو محاظرات؟؟

وصلنا لمنطقة باب المعظم ببغداد...وهي المنطقة الي بيها جامعة بغداد...هذا الشارع كل يومية بأيام الدوام يكون مزدحم بالطلاب او الناس العاديين...لكن تفاجأت اليوم من شفت الشارع فارغ...فارغ...فارغ ..الا من كم سيارة وكم طالب على عدد الاصابع....المهم..توكلنا على الله ودخلنا للجامعة وتوجهنا على كلية اللغات..كان الحديث الي يدور بيني وبين البنات عن الوضع ..والضوجة..والامن..والامتحانات..وعن مستقبلنا بهاي الظروف......

بعدها وصلت لنادي الكلية ..وشفت صديقتي علياء..سلمت عليها وعلى مجموعة بنات وظلينا بالنادي...موضوع..يجر موضوع...والكلام ما يخلص..نقاشات على ضحك على فضفضة...على شكوى...حسيت الدنيا بدت تسود بعيني...ووبعدها بشوية وصلت صديقتي نور...سلام وكلام ...ونقاشات على وضعنا اكيد وعلى مواضيع خاصة....وما اشوف نفسي الا تكأبت على الواهس....بعدين قررنا نغير المود..وشوية نفرفرش...رحنا على كلية الاعلام..نشتري اكل....وبعدها رجعنا للكلية...طبعا الطريق ما يخله من الضحك والكلام والتحشيش......(وكت الجد جد..ووكت الهزار هزار)

وصلنا لمكان معين بالكلية..وكعدنا ناكل ونسولف.....واجونا بنات وشفنا طلاب شعبتنا وسلمنا عليهم...بعدها شفت(لايون كنك) هم سلام وكلام.....ونقاش...غيرنا جو شوية...واكيد كلامنا لازم بيه شي يتعلق على وضعنا الي احنة بيه...يعني محد يكدر يتجاوز هاي المواضيع حتى لو احنة نريد نشوف اصدقائنا ونغير جو وننسه الي احنة بيه..

عدة الوكت بسرعة وما حسينا عليه...قضيت وقت قليل وية سرى قبل لا نطلع من الكلية...وصارالوقت المحدد وطلعنا..وتوجهنا على البيت..

واكيد بالطريق سمعنا اليسا....مرات الانسان يستغرب على نفسه..شلون مشاعره تتغير تجاه شي معين بصورة مفاجئة وغريبة...يعني اغاني اليسا ما كنت اكدر اسمعها وما احبها...لكن صارلي سنة اسمعها وبنجاح ساحق جدا..ومتابعة لآحدث اغانيها....

يا ربي اني خرجت عن الموضوع....نرجع لموضوعنا الرئيسي...اليوم الصبح كان الجو رائع...لكن بوقت الظهر الحر صار موطبيعي...فكرت...هاي شلون راح نداوم بشهر الخامس والسادس..واحتمال الامتحانات بالسادس او بالسابع...؟؟؟ يعني بأكثر الشهور حرارة في العراق.....واني كنت مقررة اقضي هاي الفترة بسوريا حتى نخلص من الحر شوية ومن تعب الصيف...لكن الظاهر المشاريع بالعطلة الجاية راح تتغير تغيير تام.

وصلت للبيت واني منهكة من الجوع..وفرحانة لان غيرنا جو وتركنا البيت شوية ولان وصلنا سلامات والحمدلله والشكر على كلشي..

تغديت واكيد شفت الايميل لمدة 10 دقائق فقط...شربت جاي...وبعدين انطلقت على غرفتي و..(هيــــــــــا الى النوم)...

نمت وارتاحيت ...وكعدت بالستة......ومر الوقت ما بيت الصلاة وسوالف وية اهلي......واضاعة ساعة كاملة حتى اشوف ستار اكادمي...شكد متونسين...وبعدها عالنت.......

وباجر النا يوم جديد وانطلاقة جديدة وان شاء الله الاحداث تهدأ والامور تهدأ وترجع المياه الى مجاريها....

وان شاء الله الله يسهلها علينا ويوفقنا جميعا....وتعدي هاي السنة على خير...........

ودمتم للاصدقاء

مجرد كلام

واخيرا راح تخلص العطلة التعبانة جدا..كلشي ما شفنا بالعطلة بس حركة الاعصاب والقهر..ما نعرف نضوج على الوضع الي احنة بيه وعلى الي يصير بالعراق لو على حياتنا الي انقلبت رأسا على عقب..لو نضوج من كعدة البيت ووقت الفراغ الي ما نعرف شنو نسوي بيه...لو على الكهرباء؟؟ الله على الكهرباء....ما تنطفي الكهرباء الا بالاوقات الحرجة...وهي اصلا ماكو كهرباء وما تجي الا ساعتين باليوم كله..يعني خلال 24 ساعة ماكو كهرباء بس لمدة ساعتين....شنو هالتطور والنعيم الي احنة عايشين بيه؟؟ يا ربي ليش هيجي ليش؟؟..والله تعبنا..والله ما اعرف على شنو احجي..ترة صارلنا 3 سنين شفنا الهوايل والمصايب الي ما تخطر على بال اي شخص لا والمشكلة محد يحس بينه ..والعالم كله عايشين ومتهنين بس احنة الشعب المنكوب دائما..اوف اوف اوف

بلة هاي صايرة؟؟ اكعد الستة الصبح على صوت قصف مبين من طيارة امريكية..ما كمنا نعرف منو السبب..الامريكان لو المسؤولين السياسيين الله يسلمهم..لو الشيعة لو السنة....؟؟ محد يعرف منو السبب..بس كل الي نعرفه انو احنة تعبنا.

يعني اني هسة دا افكر..شلون راح اداوم واروح للكلية بهذا الوضع؟ والله اخاف اروح..كضينا طول عمرنا خايفين.مستقبلنا ضاع..وكل يومية يموت بداخلنا شي حلو...فقدنا الامل بكل شي..صرنا حقل تجارب الهم..كلمن يجي يجرب حكمه علينا وتصير ازمات ويموتون ناس ابرياء..والخراب يزيد يوم بعد يوموالضحية احنة.

لا وهذا كله واحنة مقتنعين....راضين بأي شي..يا الله والله ما رايدين شي بس خلي نطلع منها سلامات..وتعدي على خير

انتهينا...

اني احب هاي اللوحة كلش...وما اعرف شنو السبب..
هم صنع ايديه وحياة عينيه

.. إنتهينا ..

--الفتاة :

لو سمحت أبيك بكلمة ..

إهي ماهي كلمة .

.بصراحةهو قرار ..

كل شئ بيني وبينك انتهى

بإختصار ... إنتهينا ..

!الشاب :

لحظة لحظة ..

من عطاك الحق تنساني وتروح..

وتنهي احلامي معاك

وكل عمري..واللي عشته من سنيين..

وحدة.. وحدة .. حتى أستوعب كلامك والجروح

أنت فاهم شنهو يعني ... إنتهينا .

.شنهو يعني .. إنتهينا.. بكلمتين..!

--بكل سهولة إنتهينا كلمة قالتها وراحت

وأنا ماني قادر أفهم شنهو يعني إنتهينا..

يعني ماعدنا حبايب .. وانهدم كل شئ فينا

المحبة والأماني .. والسنين اللي قضينا..

شنهوي يعني .. إنتهينا .. !

ليش ما قلتي بالأول .. ترى هالرحلة قصيرة

ومهما طال الحب فينا .. اعتبرنا ما بتدينا..

آه .. لو قلتي بالأول .. قبل لا تغرق تعلم..

المحبة بحر لكن.. بحرها من غير مينا..

شنهو يعني .. إنتهينا ..!

شلون ما مرت في بالي ..

لحظة الفرقا حبيبي

وإنك أنته مثل غيرك .. والقدر ماهو بدينا..

ليت يا أجمل وأغلى .. من عرفتا في حياتي

ما عرفنا هل المحبة..

وإلا اصلاً ما إلتقينا..

شنهو يعني .. إنتهينا .. !

كهرمانة..والاربعة واربعين حرامي

كهرمانة..والاربعة واربعين حرامي

صنع ايديه وحياة عينية

الفن وين؟؟باليد لو بالعقل؟؟

قبل كم يوم ..كنت بالبيت وكاعدةعلى الكرسي القريب من الشباك لان الكهرباء كانت مقطوعة والانارة قليلة وكنت معتمدة على ضوء الشمس قبل وقت الغروب..لزمت اوراقي واقلامي وركزت ورحت بخيالي بعيد حتى ارسم شي معين من بنات افكاري..وبينما اني مركزة على الورقة البيضة وبصعوبة دا اشوف ...ركزت على حركة ايدي وطريقة مسكي للقلم وحركتها كانت سهلة وسريعة ورشيقة...سألت نفسي...هو الفن او الحس الفني للأنسان وين موقعه بالضبط بجسم الانسان؟؟هل هو مجرد احساس او فكرة معينة بالعقل البشري والعقل ينطي الايعاز المطلوب وتقوم اليد بترجمة هذا الايعاز عن طريق حركاتها...ومن خلال مسك القلم تتكون عدنا اللوحة او التخطيط الفني

المطلوب!!!

او الفن موجود باليد فقط..وما الها اي علاقة بالدماغ...برأيي ...النظرية الاولى صح لان من المعروف ان العقل هو المسؤول عن كل حركات الانسان الارادية والغير ارادية.....لكن شنو تفسير الموقف الي خلاني اكرر السؤال نفسه ...واقول...الفن وين موجود...باليد لو بالعقل؟؟؟

كنت لوحدي بغرفتي تقريبا ساعة 10 مساءا..مرت على بالي فكرة معينة وحبيت ارسمها..حضرت الالوان الزيتية واللوحة ..ودخلت الغرفة..وبما ان احب الاغاني...فبديت اسمع الاغاني المفضلة الي..واختاريت فضل شاكر...

سمعت الاغنية الاولى..

الاغنية الثانية..

الاغنية الثالثة...

وبدأت الذكريات ترجعلي..وكأنما عشتها مرة ثانية وحسيت بوجود ناس مفتقدتهم من فترة..اكيد صديقتي ليونا الي كانت من اقرب الصديقات بالنسبة الي..وعندي ذكريات حلوة عنها وعن ايامنا سوة وعن المرحلة الثانية بالجامعة الي كانت من احلى المراحل وكانت مليئة بالاحداث والمفارقات من بدايتها لنهايتها....وفقدان صديقه مثل ليونا شي صعب ..وبالاخص لمن تعرف انو صديقك متضايق على الوضع الي هو بيه حاليا.......ورحت بأفكاري لبعيد جدا....

كل هذي الذكريات اجتي على بالي....ومن رجعت للواقع الي اني بيه..لاحظت انو اني بعدني ارسم

وماسكة فرشاة الرسم..وتقريبا كملت جزء كبير من اللوحة....وكانت النتيجة افضل مما كنت اتوقعها

وبعد التفكير...والقليل من الفلسفة الخاصة بي..اعتقد انو الفن ليس له علاقة بالعقل البشري وانما هو موجود باليد..وفقط بيد الفنان..او الرسام البسيط........واكيد كلامي مو علمي لان العلم راح ينطيني النظرية الاولى وكل انسان مدرك وعاقل وفاهم ينطيني الفكرة الصحيحة الاولى..لكن يكفيني اني مقتنعة انو العقل ماله علاقة بالفن واني عاجبتني فكرتي او فلسفتي البسيطة....

لان اني بالي انشغل بذكرياتي وية صديقتي وما انتبهت لحركات ايدي وين او ما ركزت عليها

والنتيجة كانت جيدة بالنسبة الي....

وهاي الفلسفة او الفكرة الغريبة...خلتني اسأل بابا...((هي الفلسفة نوع من الجنون لو مرحلة متقدمة على نمو عقل الانسان وادراكة للاشياء؟؟))

وبما انو الباب تعجبه هاي المواضيع.....فشرحلي الي كنت ما فاهمته

عن الفلسفة..وعن بحث الانسان لماهية الاشياء وجذرها الاصلي...

عن طبيعة الانسان والموجودات بحياتنا وعن اسبابها

وعن تحليل الشخصيات وتفسير ردة فعل اي شخص بأي موقف كان

وكل فلسفة عن ماهية الاشياء مقبولة ...الا افكار الوجوديين ومعتقداتهم...والله يبعدنا ويبعدكم عنها.......

هاي فلسفتي الاخيرة.....ولو كان اكو تعليق عليها احب تشاركوني....

احاسيس غريبة

إحســاس بشــع :-

أن تهبهم كل مساحات الثقة البيضاء

وتمنحهم كل الأراضي الخضراء ..

وتضع باقاتك الحمراء عند بابهم ..

وتسهر لتقرأ أخبارهم فوق جبين القمر ..

ثم تكتشف أنهم وضعوا إسمك في قائمة" الأغبياء بلا حدود" ؟؟؟!!*

إحساس مـــزعـــج:-

أن تبوح بسرك لصديقك المقرب

وتوصية بأن يسجنه في قفص صدره

وتشرح له أهمية المحافظة على الأمانة ..

وتنام مطمئناً متخففاً من همك وسرك ..

ثم تستيقظ في الصباح على صوت أسرارك تنطلق كالأغنية من أفواه الآخرين *

إحساس مرهــــق :-

أن تختار أرضاً طيبة

وتغرس فيها بذور النجاح

وتسقيها بماء عينك ..

وتسهر عليها بإصرار وإرادة

وتمنحها من وقتك وصحتك الكثير

ثم لا تحصد إلا الفشل بأنواعه ؟؟*

أحسـاس مـرعـب :-

أن تقف أمام الغرفة الزجاجية

تنظر إلى عزيز يتوسد جراحه ..

تحصي دقات قلبه

وتنتظر قرار الحياة به

إما بداية تمنحك الفرح أو نهاية تصيبك بالذهول ؟؟!

!إحسـاس مـؤلم :-

أن يعيشوا بك كالدم ويلتصقوا بك كأظافر يديك

وتكون لهم كالواحة المريحةويكونوا لك كالوطن الجميل ..

ثم تغادرهم ... كالغريب ؟؟؟*

إحسـاس مـؤسـف :-

أن تفتح لهم بيتك وبوابة أحلامك

وتطعمهم حبيبات صدقك

وتمنحهم ثقتك بلا حدود ..

ثم تستيقظ على نيران الجحود التي أشعلوها فيك ..

وخلفوك كالوطن المهجور ؟؟*

إحسـاس مخيف جـدا :-

أن تكتشف موت لسانك عند حاجتك للكلام ..

وتكتشف موت قلبك عند حاجتك للحب والحياة..

وتكتشف جفاف عينيك عند حاجتك للبكاء ..

وتكتشف أنك وحدك كأغصان الخريف عند حاجتك للآخرين ؟؟*

إحسـاس لايـوصـف :-

أن تقف فوق قبر إنسان تحبه كثيراً

وقد كان يعني لك كل شئ

يعني لك الكثير

ثم تحدثه ، تحاوره ، تصف له طعم الحياة في غيابه

ولون الأيام بعد رحيله ..

وتجهش في البكاء كطفل رضيع

بكاء مرير من أعماق أعماقك

حين تتذكر إنه ما عاد هنا .... بيننا ....؟؟؟؟؟؟؟؟؟؟؟

* إحساس مقـــزز :-

أن تنهش الذئاب لحمك ..

وتفترس الكلاب قلبك وتحتسي الثعالب دمك

وتتكرر عملية موتك بين أنيابهم ومخالبهم كلما رأيتهم ..

ثم تكتشف أنك كنت فريسة سهلة لحيوانات بشرية ؟؟!

* إحسـاس قـــاس :-

أن تشتاق إليهم بجنون ..

وتحن إلى وجودهم ووجوههم وأصواتهم بالجنون ذاته

وتزور أطلالهم في الخفاء

وتتمنى أن يعود الزمان ليلة واحدة

كي تتذوق طعم الفرح في حضورهم

لكنك تتراجع كالملسوع بعقارب الحنين

حين تتذكر أن الزمان لن يعود ..أبداً ؟؟؟

* إحسـاس ممـل:-

أن تقرأ لكاتب لا يكتب إلا عن نفسه ..

وتنصت لشاعر لا يشعر إلا لنفسه ..

وتسمع لمطرب لا يغني إلا لنفسه ..

وتلتقي بأنسان لا يرى ولا يسمعولا يحب إلا نفسه ؟؟

عدنا من جديد

ها قد عدت من جديد الى الكتابة...

وما اعرف شنو اكتب ...او ماكو شي محدد..لان اكو عدة مواضيع وافكار وتناقضات ببالي وما اعرف من وين ابدا وكيف انتهي..

حاليا عطلة نص السنة او العطلة الربيعية ومدا اعرف ليش اطلقوا عليها هذا الاسم لان اصلا الموسم هسة شتااااء...ومنين جابوا الربيع ما اعرف....المهم ...عطلة وخلص

هاي العطلة..بدايتها بالبيت ونهايتها بالبيت..والنتيجة...نرجع لدوامنا بالكلية...نرجع لنشاطاتنا الاجتماعية

اكيد احسن من هذا الانقطاع عن العالم.

اليوم كعدت الساعة عشرة ونص..على صوت اغنية

(خليك فاكرني..يلي بجمالك وبعيونك دول اسرني...خليك فاكرني..وان حس قلبك يوم بقلبي ابقة زرني)

...صوت نغمة الرسائل....حلو واحد من الصبح توصله رسالة...كانت صديقتي ايات...

جنت نعسانة كلش...اي طبعا نعسانة اذا اني البارحة نايمة بال4 الفجر..قضيت الوكت كله مقابل التلفزيون

اتنقل بين القنوات الفضائية وانتظر عرض اغنية معينة..

اغنية عراقية جديدة لمطرب عراقي غير معروف اسمه قيس هشام

اول ما شفت الاغنية جذبني اللحن لان ايقاعها عراقي بحت..

وشكل المطرب عجبني...بحيث ما كمت اعرف اني انتظر الاغنية علمود الاغنية لو علمود المطرب!

بس مدا اتذكر شي من الاغنية...بس اسمها(سهران)

ويكول بالاغنية:

سهران..تعبني السهر..

حزنان...قلبي من القهر..

كله بسبب فركاهم..

كله بسبب فركاهم..

بهاي اللحظة رجعتلي ذكريات الاعدادية..وخاصة رابع وخامس اعدادي..

كنت ولحد الان..مهووسة بالاغاني الاجنبية...

ومن المطربين المفضلين بالنسبة اليه...Enrique Iglesias

كنت معروفة بالعائلة وبمحيط المدرسة بأعجابي بيه..

احتفظ بكل الاغاني وكل الصور الخاصة بيه...وحتى توقيعي كان your hero Enrique

لان عنده اغنية اسمها hero

واتذكر جنت مخليه صورتة مقابل قريولتي...حتى اول ما اكعد الصبح

وافتح عيوني...اشوفه

(سوالف تضحك والله....جنا مراهقين)

بس بمرور الوكت...كل هذا مجرد ذكرى...

لان ماكو شي يبقى على حاله...والانسان كلما يكبر ويفهم الحياة اكثر

يقل اهتمامه لهاي الامور ....نخلي هاي السوالف لمراهقين هالوكت

وطفرت على غير موضوع ..وهذي وحدة من صفاتي...

اشوف نفسي احجي بموضوع معين...وعلى غفلة اروح على موضوع ثاني

وانسى الاساس الي جنت احجي بيه بالبداية

وحاليا ساعة 2:51..مساءا..لو هي ظهر هسة

دا اشرب جاي ما بعد الغدة...

وكاعدة دا اكتب..وما اعرف ليوين راح اخلص وعلى شنو ينتهي هذا البوست

البارحة جنت ببيت وسونة..واجتي لولو وسوس..

كضينا وكت كلش حلو...وكلما نريد نحجي ونتناقش بموضوع

نطفر على موضوع ثاني..

لو نلتهي نسمع اغاني..لو التهينا نحجي عالتنظيف...لان وسونة عدنا (مخبلة مال تنظيف)

هاي البنية من شفتها وشافتني...بس تنظف

على كولة لولو...((اخابر وسن واريد اسولف وياها لان مشتاقتلها كتلها شكو ماكو وشنو اخبارج ))

وسن جاوبتها:((والله اني زينة لولو واليوم رحت للسوبر ماركيت وشفت عنده هواية منظفات..ومواد تعقيم وازالة بقع وما خليت شي ما جبته))

اوف منج وسونة...

اما سراب..اختصاص تسخيف للمواضيع..

يعني ابدي احجي بموضوع شاغلني او اي شي يصير وياية...ويبدي التحشيش الي على اصوله

وما تخلينا نحجي بأي موضوع اذا ما تضحكنا...حياتها ماخذتها ببساطة وتعيش اللحظة وتحب تتونس ويصير عدها هواية معارف

وحسيت بأخر فترة قوت علاقتي بيها اكثر من البنات لان متواصلين دائما وعلى طول نتخابر...

ولو هو ماكو فرق بيننا...احنة الاربعة...كلنا واحد وماكو شي يفرق بيننا

بس بحكم انشغال البنات بدوامهم وامتحاناتهم وصعوبة دراستهم

ورولا على وشك التخرج وتريد تنجح هالسنة من اول دور وما تريد تداوم بكورس صيفي

لان كضت الكلية كلها بس تقرأ...وماكو فايدة

ووسن هم ملتهية بدوامها وفي صراع دائم وية الملازم والامتحانات والاساتذة..

فأني دائما موجودة الهم بكل وكت لان يعرفوني ما اواجه الصعوبة نفسها بدراستي

وعاجبني اختصاصي ومتونسة عليه....وما عندي امتحانات هواية مثلهم

وهاي الاسباب الي تخلينا مرات ما نتشاوف بفترات متقاربة او تنشغل وحدة عن الثانية لفترة معينة

واحلى شي البارحة جنا كعدين بغرفة وسونة...اجة حموقي (احمد ونصيحلة حموقي وليس حمودي)

اخوها الصغير دة يسلم علينا...وطلع وما سد الباب وراه

كامت وسن دة تسده...وانطبك الباب بقوة...وبعدين كالت:

((يا عزة..انطبك الباب...!!))

كتلها اي عادي خليه مسدود وشنو يعني؟؟؟؟

كالت:((مو القفل عاطل وانطبك وما نكدر نفتح الباب علينه وانحبسنا هسة))

الله شكد حلو انحبسنا بغرفتها...

طبعا الضحك بدأ..ونريد نخلي رولا تسكت حتى نعرف شلون نفتح الباب ومدة نكدر

رولا مو خربت وانما ماتت من الضحك

رحت على وسن وحاولنا نسحب الباب وما كدرنا

كتلهم..عوفوني..اني كدها ...تلكوني بالازمات...ودا احاول افتح الباب وماكو فايدة

وبعد عناء طويل...

ومحاولات كثيرة جدا

اجة حموقي مرة ثانية وبالكوة ...يدفع الباب من برة

دفعة

اثنين

ثلاثة

والى ان انفتح الباب...الولد تكسرت عظامة وانتهى...

الحمدلله انحلت مسألة الباب...لان جان صارت مشكلة لو محبوسين..

يعني اذا على المبيت الاجباري مو مشكلة...بس صعبة واحد يبقى بمكان واحد ومحبوس!!!

اي كلها تصير ذكريات وسوالف.....على كولة كاظم الساهر

((اخر خبر ابتسمي واسمعيه....شارع ذكرياتي لوحدي امشي))

يعني حتى لو نبقى وية الناس الي نحبهم ويشاركونا بأحلى ايامنا

يبقى بداخلنا جزء صغير لوحدة...نحتاج نبقى وية نفسنا ولو لمدة قصيرة جدا

بس حتى تفكر وتدرك..الحياة الي انت بيها

نكعد نشوف قبل شنو جنا وبشنو نفكر...ونقارنها بأفكارنا واحداث حياتنا اليومية

والناس الي نشوفهم ونعرفهم

والناس الي يمرون بحياتنا مرور الكرام ويروحون بدون ما يتركون اي اثر

والاحداث الي تصير

مثلا وين جنت تسكن او وية منو

او بأي مدرسة كنت او بيا جامعة كملت دراستي او ادرس حاليا

يعني من اني صغيرة...جنت خالة ببالي انو ادخل كلية الفنون الجميلة...لان احب ارسم

واستمريت لمدة طويلة واني هدفي كلية الفنون

لحد السادس الاعدادي...كلشي تغير..

غيرت رأيي وكلت اللغة افضل...وكان همي الوحيد انو ادرس لغة انكليزي

وما كان يهمني بيا جامعة او بيا كلية...

يعني كلت اذا اداب انكلييزي اوكي

واذا لغات انكليزي اوكي

واذا مستنصرية او بغداد ما عندي فرق

المهم انكليزي

....

رحت لكلية اللغات ودا اقدم المستلزمات الخاصة للتسجيل

واني جنت واثقة انو راح انقبل بالقسم الي اني رايدته

بس مجانت الفرصة وانقبلت بقسم الفرنسي

اني كلت لا والف لا...انكليزي يعني انكليزي وما اطيق الفرنسي

وما صارت فرصة للنقل لجامعة مختلفة بسبب الظروف بذاك الوكت

وظليت بالفرنسي...وحبيت اللغة...وتفوقت بيها

وهذا كله مجان في الحسبان ابدا

ولا جنت متوقعة تصير كل هاي التغييرات

ولو افكربعلاقاتي بالكلية...

اني من الاشخاص الي كلت من الافضل انو تبقى علاقاتي وية الكل سطحية

تجنبا للمشاكل والنفاق والغيرة ...وخاصة اني من الاشخاص الي اكره النفاق

او اجيب سيرة اي شخص كدام شخص ثاني..بسوء

ما اكول عن نفسي اني كاملة بس على الاقل اذا اريد اعلق على شي شفته

ما احجي كددام اي شخص...لان ما اعرف نفسيتهم شنو

واكو مقولة تكول وأأمن بيها((الي يحجي على شخص كدامك..يحجي عليك كدام غيرك))

فما احب اكون بهذا الموقف ولا اخلي شخص ثاني بالموقف نفسه

واكيد ماكو انسان معصوم من الخطأ...لكن كل انسان يطمح الى الافضل

بمرور الوكت ما كدرت امنع نفسي ان اسوي صداقات وعلاقات حلوة بالجامعة

وما جنت اتوقع انو مبدأي بجعل كل العلاقات سطحية......يذهب مع الريح

تعرفت على مجموعة بنات والحمدلله اهل للثقة وقضينا وكت حلو ...وبيننا هواية اوقات مميزة

ومن المستحيل انساها...لان بالنسبة الي جانت سبب بتكوين جزء من شخصيتي

او ساعدتني للوصول للي اني بيه...والانسان اكيد من تجاربه يتعلم...

والحمدلله على كلشي..

احمد ربي واشكره لان متفوقه بأختصاصي

ولان محاطة بأشخاص جيدين..ان كانوا اهل او اصدقاء وافتخر بيهم

وهاي من اهم الاشياء الي احب انطيها القدر الي تستحقه دائما

لان بدون الاصدقاء الانسان ما يكدر يعيش حياة طبيعية ابدا

Happy Valentine's Day

الحب هو شعور جميل واحساس نادر وراقي ومقدس يجمع بين الاهل والاحبة والاصدقاء,وكل العشاق...

انه احساس سامٍ جدا يشعرك بسعادة قصوى لوجود شخص بجانبك يغنيك عن كل البشر...

تذهب معه الى عالم جميل وجديد, تكتشف فيه مالم تعرف قبل..

تذق فيه طعم السعادة الحقيقة..ويرفعك الى مرتبة عالية.

تشعر وكأنك طائر يرفرف بجناحيه ليلف العالم بسرعة

ليعبر عن مدى سعادته مثل العصفور الذي تم اطلاق سراحه

بعد وضعه في قفص وسلبت منه حريته التي انعم الله بها عليه

هكذا يكون احساس المحبين ..انه شيء يجعلك ترى العالم بصورة مختلفة جدا عن ما كانت عليه..

ويدخلك في عالم كأنه الجنة في الارض..

في عيد الحب..اتمنى ان يتمتع كل انسان صادق وحساس بهذا الشعور الجميل

والهبة التي انعم الله بها على بني البشر.

اتركوا كل شئ ودعوا عنكم الحقد والكراهية فلا شئ يضاهي المحبة...

ابحث في وجوه الاخرين وفي قلوبهم..ستجد في داخل كل شخص حمامة بيضاء جميلة كحمامة السلام والمحبة...

فلا تخفوا هذه المشاعر الرائعة واطلقوا العنان لانفسكم...

في هذا اليوم ستغلف الارض بسجادة حمراء وسترى حول الارض اشعاع عبارة عن كتله من المشاعر..

انها فرصتك لترى السعادة من جديد ان كنت قد اعتقدت انها انتهت..

سيأتي اليوم كيوبيد ليترك في كل قلب وحيد اثرا,

سيصيب قلبك بسهم من سهامه الغير مميته..

لان سهامه لا تميت شخصا

بل انها تعيد الحياة لكل من هو وحيد في هذه الدنيا..

وستحضى بفرصة جميلة لتلتقي من تحب..

فلا تضيع هذة الفرصة وافتح قلبك للحياة وتذكر...

دائما هناك شخص واحد على الاقل من الملايين..

يفكر بيك وانت عنده الدنيا بأكملها

تذكر دائما ان هناك من يسعى لأرضائك ومشاركتك في كل لحظة من حياتك

هناك من يفكر بك ويحلم بك ويسعى دائما للفوز بقلبك

فلا تضييع الفرصة وافتح قلبك للحياة لانها فرصة لا تعوض ابدا...

تمنياتي للجميع بالحب الدائم والسعادة الابدية مع محبيهم ..

ولكل الاهل والاصدقاء اقول..احبكم جميعا ولن انساكم ابدا..واشكر وجودكم معي..

فالحب لا يقتصر فقط على العشاق..بل على كل من له قلب جميل ورقيق واحساس مرهف

والحب لا يعرف شكلا ولا دينا ولا تقاليد ولا مصالح شخصية

مع كل الحب

كلمات..وواقع

يمر أناس في حياتك لسبب ما , أو كفصل من الفصول .أو لمدى الحياة.
وعندما تميز في علاقاتك أيهم من هذه الأنواع مر في حياتك تستطيع أن تعلم كيف تتصرف مع كل واحد منهم بالشكل الصحيح.....
فعندما يمر أحدهم في حياتك لسبب ما ...

يكون عادة ليحقق لك حاجة كنت قد عبرت عنها ..

فهم يأتون ليساندوك خلال محنة , ويقدموا لك الدعم والإرشاد , ويساعدوك عاطفيا وروحيا , قد يبدون وكأنهم أرسلوا من قبل الله ....

وهم كذلك......
فهم هناك للسبب الذي أنت بحاجة إليهم من أجله ..ثم...
وبدون أي خطأ صدر منك , فهذا الشخص يقول أو يفعل شيئا لينهي هذه العلاقة ...
أحيانا يموتون, وأحيانا أخرى يسيرون بعيدا بكل بساطة......
بعض الاحيان يتصرفون بما يجعلك تقوم بموقف وتنهي أنت الموضوع

( أي يجعلوا رصاصة الرحمة التي تنهي الموضوع تنطلق من بين أصابعك)

عندما يمر الناس في حياتك كفصل من الفصول , ذلك أنه حان دورك لتشارك , لتكبر, أو تتعلم ....
لربما يعلموك أشياء لم تقم بفعلها أبدا في حياتك ...
وهم عادة يقدمون لك كمية لاتصدق من المتعة ...
صدق هذه العلاقة ,,, إنها حقيقية , ولكنها فقط...لفصل واحد.............

أما علاقات العمر الطويلة فهي تعلمك دروس حياتك كلها ,, أشياء عليك أن تبني على أساسها لكي تحصل على أسس عاطفية متينة .....
مهمتك هي أن تقبل الدرس, وتحب الشخص, وتضع كل ما تعلمته كله قيد الاستعمال في كل علاقاتك الأخرى في حياتك ....
فلقد قيل:
" الحب أعمى,,,, لكن الصداقة مبصرة"

اعمل كأنك لا تحتاج إلى المال...........
أحب...وكأنك لم تجرح يوما..........
وارقص...وكأن لاأحد ....يشاهد.....................

*هذه الكلمات وصلتني من صديق مميز...وحبيت اكتبها بموقعي الخاص لان بيها معاني جميلة جدا

Quotes

Just trust yourself then you will know how to live."
— Goethe, Faust

"I could be whatever I wanted to be if I trusted that music, that song, that vibration of God that was inside of me."
— Shirley Maclaine, It's All In The Playing

"It is impossible to go through life without trust: That is to be imprisoned in the worst cell of all, oneself."
— Graham Greene, The Ministry of Fear

Trust yourself. Think for yourself. Act for yourself. Speak for yourself. Be yourself. Imitation is suicide."
— Marva Collins

"Nothing is at last sacred but the integrity of your own mind."
— Ralph Waldo Emerson, Self-Reliance

Feeling

if a kiss was a raindrop...

I'd send you showers.

If hugs were a second...

I'd send you hours.

If smiles were water...

I'd send you the sea.

If friendship was a person...

I'd send you me.

امتحان الدخول الى الجنة !!!

هلو

واخيرا رجعت للانترنيت وللبلوك وبعد عناء وصراع طويل الامد وية امتحان الرواية الخرافي الي وصفته بأمتحان الدخول الى
الجنة, تتسائلون شنو السبب الي خلاني انطي للامتحان هذا الاسم الغريب؟؟ تصرفات الاستاذة اكيد والصعوبة الي واجهناها
كلنا والصدمة الاخيرة من الاستاذة من كالت انو اجوبتنا خاطئة!!!! قبل كم يوم حددنا موعد امتحان الرواية وية
الاستاذة..رحت للكلية واني ما مسيطرة على المادة وهاي اول مرة تصدف واني ابدا غير مهتمة لموضوع الامتحان..اهمال
غير طبيعي..شي على شي جنت حاسة انو الامتحان راح يتأجل على اليوم الي بعده...وصدك تأجل الامتحان على ثاني
يوم..واحنة كلنا اي بعد احسن حتى نكمل المادة ونقرأ يتركيز اكثر, المفروض صار هذا الشي. ورحت ثاني يوم للكلية
وكان من المفروض انو الامتحان يبدأ الساعة التاسعة صباحا, لكن الاستاذة الحبابة اجتنا بعد تأخير لنص ساعة.المهم, قبل
الامتحان ما كدرت الاحظ شي بالقسم غير طلاب وطالبات مرحلتي لازمين الملازم والاوراق ويقرون بصوت عالي. ويمشون
بالممر الخاص بقسم الفرنسي ..ذهابا وايابا..وكل شوية يخطر على بال احد الطلاب سؤال معين وما يعرف اجابته يوجه
السؤال لباقي الطلاب والحمدلله لم يتم العثور على اي جواب لكل اسئلة الطلاب, اتذكر مي سألتني(ليش الكاتب بدأ الرواية
بسرد الذكريات؟؟) اني صفنت شوية, فكرت, ركزت, كتلها واني شعليه؟؟؟هو بكيفه هذا اسلوبه.... وبدأ
الضحك..حاولنا نعرف الجواب ما كدرنا.اني بدوري رحت على ساهر حتى اسئلة وما عرف الجواب؟ وهو راح على حيدر
وما عرف ورجعت على علياء وكالت هاي منين دة تجيبون هاي الاسئلة الغريبة؟؟؟ اخر شي اتفقنا انو الاجابة تكون...بدا
الكاتب بسرد الذكريات لان احداث القصة حدثت بالماضي ولان هذا اسلوب الكاتب الخاص بيه.(جواب تافه جدا وما بي اي
معنى ) واصلا ما اجانا هيجي سؤال بالامتحان!وبعد فترة شفنا الست نهلة استاذة الرواية وهي تصعد الدرج متوجهة
لشعبتنا..وكالت اريدكم تخلون القاعة وراحت على الشعبة الثانية وهم طلبت انو يخلون القاعة وكل الطلاب اتجمعوا بالقسم بعيد
عن الشعب.هذا كله واحنة مستغربين شنو الموضوع وليش دخلت شعبتنا وسدت الباب وراها؟؟؟ وبعدها صاحت على طلاب
الشعبة الثانية ودخلتهم بشعبتنا؟ وسدت عليهم الباب وسوت نفس الشي ويانه....كتلهم شنو هالاجراءات الامنية الغريبة الي
دة تسويها الاستاذة؟ هو مجرد امتحان عادي فصلي؟؟؟؟كتلهم يجوز هذا الامتحان راح يحدد مصيرنا النهائي..او هذا امتحان
الدخول الى الجنة....وصار الضحك..المهم..امتحنا وكملنا...وكلنا معتمدين على السؤال الاول لان كان من المفروض ان يكون
سهل وبسيط ومفهوم , اما السؤال الثاني ترك والثالث الاجابة عنه اجبارية وكلنا ما مجاوبين بيه زين. كان السؤال
الاول..برأيك..ما هي الشخصيات الرئيسية للرواية؟؟

يعني اي شخص يسمع هيجي سؤال اكيد راح يكول همة الاشخاص
الي تدور حولهم احداث الرواية او همة محور الحديث كله فشلون اذا احنة قارين بالملزمة الي ماخذيها من الاستاذة انو البطل
والبطلة همة شخصيات رئيسية بالرواية؟؟يعني احنة عرفنا منو همة الشخصيات....طلعنا من الامتحان واحنة متاكدين من
اجوبتنا انو همة الابطال وشرحنا عن شخصياتهم الشنيعة !!وبعد الامتحان بساعة يجي ساهر يكول انو الاستاذة كالت انو اجوبتنا كلها
غلط وانو ماكو شخصيات رئيسية بالرواية؟؟؟ بلة سامعين فد يوم رواية طويلة وعريظة ما بيها ابطال ولا شخصيات
رئيسية؟؟اكيد لا...................وعليه كلنا ضجنا وعصبنا وقررنا نعلن الحرب ضدها لان
مستوانا صار زفت باللغة وكلشي مدا نفتهم واتفقنا انو اذا اخذنا درجات مو زينة نسوي اضراب وشنو يصير خلي
يصير....................................واني جنت منفعلة وخابصة نفسي
كلت للطلاب ..باباتي شبيكم انتوا خايفين؟ هي ست نهلة...تدرون انو الطلاب الجامعيين يكدرون يغيرون حكومات واحنة
شكوى على الاستاذ ما نكدر نشتكي؟؟؟ وين الحرية وين الديمقراطية؟؟..وهذا كله بضحك

جان يوم غريب...صح ماجاوبنا زين بس تونسنا وية الشعبة لان ظلينا فترة طويلة سوية... والجايات اكثر.. وان شاء الله نلكة حل لست نهلة

2005

the year 2005..was a crazy year for me, it was full of events...i don't know how can i describe it, but in my way i can say it was amazing...and horrible.
you will ask me how can i say these two words at the same time..i know it sounds crazy..cuz i see that the whole world is crazy..and it makes us crazy too.

je ne sais pas ce que je dire...oh sorry my friends...you can't speak french! it means i don't know what to say...and i don't know what the hell i'm doing now!!!! somebody tell me....please!!!!

i have nothing to do right now...i just rememberd the year 2005 and what happend to me...oh God...all i want to say...that i'm so happy cuz i got through another year with my friends whom i have been with for 6 years now..!!! what a wonderfull friendship...
Soso...Lulu..and wassoona..i love you so much..you are the best, i can't imagine my life with out you all. i spent good days with you at school....and we shared a beautiful memories i can't forget all about it.
Soso..you are such a wonderfull girl...beautifull and smart..we have the same way of thinking.
i was so sad yesterday when i called you and you remind me that we were 4 girls but now you think that we will be just 2...me and you...cuz the others don't have the same way of thinking and they don't have much time to call us......but don't be afraid my moon...as i used to call you, cuz i'm sure we are 4 and we will be together, forever...as we made a promise and we said that we want to be the Devils....so...if i don't have much time to call any one of you...it don't mean that i forget you my friends but i want you to know that i love you and respect you....forever

Lulu...you are so kind and you have a lovely spirit....you are like and angel...i wish you the best. and i ask God to help you and to pless you, i hope that you will passe this year at college and you will succeed...and you will graduate....after that you must find a job. i can't imagine that you will saty at home untill the man of your dreams will come to you and ask you "will you marry me??"
i know you will say yes, but i'm waiting for this one who will came to you...who will it be??? no one knows......i know you like some one like a super star, cute and gentill, tall and brunette...but unfortunately...no one perfect baby...no one.

wassoona...you are like a box of disordered characters... you have to do something with your heart and mind...i don't know how to describe you girl..sometimes i feel you are strong enough to face the life....another time i feel that you are so weak and you need someone..to be beside you..but you don't want to show us your weakness....i don't know why..but i respect this thing in you....i love you and you still wassoona that i will dance in your wedding party!!! if you will marry the man of your life....do you want the truthe...he don't deserve you.....don't care about what i say....you will do your choice...with us or with out us...it's your life. ....do you remember when we used to go to school together...every day...i wish that i can live one of these days again.



i didn't finsh my speach...but in this post i just liked to talk about 2005 and what happend in it....and with whom i spend it.... and i will continue ...in the next post.... i will talk about the friends of college..................

see ya

وضعية تعبانة جدا

اليوم مثل باقي كل الايام الي نعيشها..كلشي بحياتنا يتكرر دائما..الاحداث نفسها والكلام نفسه والوجوه الي نشوفها والشوارع والاصوات والاغاني..والبرامج الي بالتلفزيون والاكل الي ناكلة والملابس الي نلبسها...كله نفس الشي ويتكرر دائما...كلنا ماشين بهاي الدنيا وبأتجاه واحد...لا نكدر نغير مسارنا ولا نكدر نوقف الزمن ولا حتى نعرف ليوين راح نوصل...ولا نعرف شوكت راح نتوقف.
الى متى يبقى الوضع بهاي الحالة؟؟
الى متى يبقى الوضع الامني متدهور؟؟
الى متى تبقى السياسة هي المحور الرئيسي النا؟؟
الى متى تبقى الكهرباء شيء نادر ومحد يكدر يحل مشكلتها؟؟
الى متى تبقى الاحزاب مسيطرة على الجامعات وتسوي احتفالات دينية من الخطأ ان تقام بالحرم الجامعي؟؟
الى متى نبقى محبوسين بالبيت وما نكدر نطلع ونختلط بالناس؟؟
ويظل الخوف بينا كلما نتعرف على اي شخص ونفكر احتمال يكون هذا الشخص عنده ميول سياسية
او يعمل لحساب واحد من الاحزاب المالية البلد او نخاف لا تكون وراه عصابة ويمارس عمله علينه؟؟
الى متى راح يكون البيت هو المنفذ الوحيد الامن ؟؟وما نكدر نكون خارج البيت لان ما تعرف اذا طلعت من بيتك راح ترجع او لا؟
الى متى راح ننام على صوت انفجارات واطلاقات نارية ونعكد على نفس اصواتها ؟؟
الى متى كل ما اطلع من البيت اشوف السيارات ماخذه سرة عالخط السريع وينتظرون دورهم حتى يحصلون على بنزين...واحنة بلد نفطي وغني بموارد النفط...؟؟؟؟
الى متى ابقى اسمع ان الفلان الفلاني انقتل؟؟
الى متى اظل خايفة انو اهلي اذا طلعوا من البيت احتمال ما يرجعون؟؟
حياتنا صارت كلها خوف بخوف وهواية ناس دة ينقتلون وما تعرف شنو ذنبهم؟؟
ونبقى نفكر انو احتمال يجري الدور على احد الاقارب او الاصدقاء؟؟
مستحيل اكدر انسى الصدمة الي صارتلي من عرفت بموت طالب ويانة بالكلية...اني ما اعرفه ولا عندي اي صلة بيه..بس بحكم انو بنفس الكلية جانت عندي فكرة معينة عنه وخاصة اكو بيننا اصدقاء مشتركين فيصير كلام وعرفت شنو هذا الشخص....شاب راقي جدا واخلاقه عالية وقلبه طيب وصديق الكل...اجتماعي ومحبوب...والي يشوفه ما يصدك انو هو يتمتع بهاي الصفات لان كان ضخم جدا...
ما اتذكر اليوم الي سمعت بيه الخبر بس كانت ببداية السنة على ما اعتقد بشهرالثالث او الرابع من سنة 2005 رحت للكلية وكانت الاجواء طبيعية جدا..شفت ليونا صديقتي وكالت ميمي ما عرفتي منو الي مات؟؟ اني كتلها يا ستار خير منو؟؟ كالتلي اكرم؟؟....اني ما صدكتها لان متعودة عليها دائما تسوي بيه مواقف معينة ووجنت اصدك بكلامها وبعدين تطلع وحدة من الاعيبها....فتعودت ان ما اصدك بكلامها الي من هيجي نوع
اني اصريت انو كلامها مجرد مزحة مو اكثر....بس بعدين هي اكدتلي انو الخبر صحيح...وحتى من رحت على قسم الانكليزي...شفت اصدقاءه او كروبه كلهم يبجون ومصدومين ما مصدكين الخبر.....وهذا كله واني بعدني ما مستوعبة....شفت البنات يبجون واصدقاءه مصدومين ......راح اكرم ويا ريت لو كان السبب طبيعي....بس انقتل.....الى رحمة الله.....كلما اتذكر انو شاب محترم ومثقف يجي واحد مجرد يريد ينتقم او مريض نفسيا ويقتله؟؟؟؟ وين صايرة هاي؟؟ الناس كاموا يحلون مشاكلهم بالقتل والمشكلة انو مدا يروح بس الزينين..........انَا لله وانَا اليه راجعون.
ادعي من ربي انو ما يصير الي صار بأكرم على الي اعرفهم....وعلى اي شخص اخر...

ويأخذني الحنين اليك مجدااً

ليلة مظلمة اتشحت فيها السماء بالسواد حزناً على فراق الشمس ..

طرقت باب أمسي لأرتمي في أحضان الذكريات ...

.فتوارت الأحلام .. أحلام امتزجت بالخيال ....

وفي منفى وحدتي وبين أحلامي المترددة أخذني الحنين إليك ..

فأغمضت عيني في ازدحامهم بقوة ...ومارست جنون الشوق إليك ..

كالطفل يخيل لي إنه عندما أغمض عيني لا يراني أحد ...

يأخذني الحنين إليك فأقضم أظافري كي يشغلني الألم عن ذكراك ....

ولكنني بذكراك أنشغل عن الألم وعن أي شيء آخر ...

ويأخذني الحنين إليك مجدداً ..

وتذرف دموعي فأمسحها بأطراف ردائي وكأن حبك لم يعلمني من أساليب التجمل شيئاً وحولني حزني إلى إنسان بدائي ....

وعندما يأخذني الحنين إليك ويطبعك على صفحة عيني ....

أرفض النظر إلى سواك بعينٍ أنت بها ....

وأحياناً ، يأخذني الشوق إليك .. فأتمنى أن أراك خارج نطاق الاحلام ...

بعيداً عن أسر الحروف والكلمات ...

فأحلم أن أراك كائناً يعشق ، يتحرك ، يتكلم ويشعر ....

باختصـــار .. عندما يأخذني الحنين إليك ،، أحلم أن أراك خارج جمود الخيال و الكلام والصور ....

فأبحث عنك بكل جنون ....

وحتماً يأخذني الحنين إليك .

كلمـــــات

يسمعني حين يراقصني..كلماتٍ ليست كالكلمات

يأخذني من تحت ذراعي..يزرعني في احدى الغيمات

والمطر الاسود في عيني..يتساقط زخاتٍ..زخات

يحملني معه يحملني..لمساءٍ وردي الشرفات

وانا كالطفلة في يده..كالريشة تحملها النسمات

يهدي لي شمساً..يهدي لي صيفاً..وقطيع سنونوات

يخبرني اني تحفته واساوي الاف النجمات

وبأني كنز وبأني اجمل ما شاهد من لوحات

كلمات...كلمات...كلمات

يروي اشياء تدوخني..تنسيني المرقص والخطوات

كلماتٍ تقلب تاريخي...تجعلني امرأة...في لحظات

يبني لي قصراُ من وهمٍ...لا اسكن فيه

سوى لحظات

واعود...اعود لطاولتي

اعود لطاولتي

لا شيء معي

لا شيء معي

الا كلمـــــــــات

كلمات ليست كالكلمات

لا شيء معي الا كلمات

كلمات..كلمات..كلمات