Monday, January 18, 2010

رحلة الحصول على جواز جديد

اكو اشياء بحياة الانسان لمن يحجي عنها يتصور هي سهلة بشكل ، و طريقة الحصول على بعض الاشياء بسيطة و اصلا من حق الانسان ان يحصل عليه، الشي الي ردت احصل عليه هو جواز جديد، هذا كل الي ردته مو اكثر، بس ما تخيلت الطريق للحصول على جواز جديد من فئة (A) حيكون مليء بالعقبات، خاصة وية اصراري بعدم سلوك طريق اخر للحصول على الجواز مثل دفلع ميتين دولار و اشتري راحتي و راحة زوجي بدال البهذلة الي اكلنا صارلنا شهر من ورة مدير الجوازات الي ما ادري ليش وجهه ابد ما بي نور و (مبووم) كلش لدرجة الواحد يتكأب بس يشوفه.
اتصور الحصول على جواز جديد بأي دولة هو شي سهل، الا احنة بالعراق كلشي عدنا صعب خاصة المعاملات بالدوائر الحكومية، و الي صعب الموضوع علية هو شغلي و شغل زوجي يعني احنة ملتزمين بوقت عمل خومو نكضيها كلها اجازات لسواد عين مدير الجوازات، اول خطوة بديتها بتحضير صور معاملة، الجنسية و شهادة الجنسية و بطاقة سكن اهلي لان ماعندي بطاقة سكن جديدة و بطاقة تموينية مال اهلي لنفس السبب و شهادة جنسية بابا، و هوية زوجي و شهادة الجنسية مال زوجي و كلهم استنسختهم اضافة الى الصك من مصرف حكومي، و توكلنا على الله و رحنا. اول شي رحنا كال لازم تغيرين شهادة الجنسية مالتج، لان كاتبين بشهادة الجنسية اسمي الرباعي، (يعني اسمي و اسم بابا و جدي و جد بابا) و الجنسية كاتبين بس الثلاثي و لازم تتوحد لان راح تسبب مشكلة او هو ما راد يستوعب المهم انتظرنا اسبوع، و احنا عدنا يوم واحد بالاسبوع ما بي شغل، توكلنا على الله و رحنا لدائرة الجنسية و كل شوية صاعدين نازلين نازلين صاعدين، و كل واحد يكوللنا روحوا لفلان و رجعوا على فلان الى ان طفرت روحنا، و نبهناهم انو يكتبون الاسم الثلاثي فقط، انتظرنا استلام الشهادة و اذا بيها نفس الشي، كاتبين الاسم الرباعي، رحنا للمسؤول و كال مو مشكلة ابو انتوا ليش مهتمين، كناله ابو الجوازات هو هيجي راد، كال شعليه ابو الجوازات . المهم ..شخطوا الاسم بشفرة، و ختموا عليه و الحمدلله مشت المعاملة. و بعد اسبوع (يعني الاسبوع الثالث) اخذنا كل الاوراق مرة ثانية و رحنا للجوازات، من وصلنا للمدير كال ميصير، اني اريد بطاقة سكن الزوج لازم تكون موجودة اني شسوي ببطاقة سكن اهلج.! اللهم طولج ياروح الواحد شكد يتحمل؟
المهم، زوجي كال خلص بعد هذا دماغه قفل، خلي نحاول وية عمو (بابا) اروح وياه ، ورة كم يوم اني و بابا اخذنا اجازة و رحنا، كال المدير ميصير، لازم الزوج يكون موجود، و لازم بطاقة سكن الزوج و تأييد سكن من المجلس البلدي لمنطقة اهل الزوج (مع العلم اني و زوجي ساكنين بغير منطقة) و التاييد يكون بي صورة الزوج...لهنا كلنا هم ميخالف..
ورة يومين، رحنا للمجلس البلدي مال منطقة اهل زوجي، طلعنا تأييد سكن من المجلس البلدي مدري المحلي، و بي صورة زوجي الله يخليه و يحفظه، و اخذنا بطاقة السكن مال بيت اهله، و البطاقة التموينية و رحنا بيوم العطلة مالتنا الي هي الاسبوع الرابع من رحلة الحصول على جواز، و كلنا خلي نشوف شنو حجته هالمرة، حتى البنية الي بالتفتيش مال نساء تكولي انتي مو قبل يومين اجيتي ليش كل يومية جاية شنو القصة؟؟ كتلها القصة وية المدير. المهم رحنا و اذا بي يرجعنا لانو طلع ما يريد تأييد محلي بي صورة الزوج و انما تأييد محلي بي صورة الزوجة من منطقة اهل الزوج..عقدتها عليكم ادري بس ميخالف .
المهم بنفس اليوم رجعنا لبيت اهل زوجي، حتى نسوي التأييد، بس للاسف المكتب مسدود الصبح، عمي (ابو زوجي) الله يخليه وينطي الصحة خطية وكف ويانا و ساعدنا هواية هو تكفل بشغلة التأييد و سواه النا العصر، و احنة ثاني يوم من الصبح و قبل لا اروح للشغل، رحنا لبيت اهل زوجي جبنا التأييد، و رحنا للجوازات، و دخلنا و اخذ الفايل المدير المبووم و وقع عليه و كال روحوا للبصمات. طبعا اني بهاي اللحظة وجهي تشنج كله و لزمتني الضحكة و الابتسامة تكبر تكبر تكبر كلما اشوف الفايل يتقرب علينا و زوجي يركض بي للبصمات، كتله مدا اصدك، ما ادري هذا حلم لو حقيقة، زوجي يكولي اني فرحان عبالك فرحتي من جنا المحكمة نعقد قران. و رحنا بصمنا، و استلمنا وصل بعد عشرة ايام اروح اخذ جوازي.
يعني شفتوا رحلة العذاب؟؟ بطاقة سكن و بطاقة تموينية و شهادة جنسية و جنسية و تأييد؟ شنو هالعذاب و شنو هذا التعقيد كله؟ هيجي صار العراقي كلشي عليه صعب حتى الحصول على ابسط حقوقه؟ هي هذي قيمة الانسان العراقي حتى ما يتلقى تسهيلات من اي شخص ثاني حتى لو جان هذا الشخص هم عراقي و عايش نفس ظروفه؟؟
حسبي الله و نعم الوكيل

26 comments:

ahmed said...

زوجي الله يخليه و يحفظه
===
هاي العبارة ضحكتني ... ما اعرف ليش

Michomeme said...

عباس من تتزوج و تسمع زوجتك تكول هاي الكلمة راح تفرح ماكو احلى من شخص يدعيلك بالحفظ...

نوفل said...

مو حاطين استمارة الكترونية
http://www.iraqinationality.gov.iq/eForm/Default.aspx

وهاي التعليمات
http://www.iraqinationality.gov.iq/passport_ar.htm

بس نفس الشي ونفس التعب
صارت زحمة عليهم

Violet said...

ههههههههه
ميشو انتي اشايفة من المبومين ؟؟؟؟؟

تعالي بالموصل وشوفي اصل ومنبع البوم!!!!


يااااااااااالله اشكد اكره المعاملات بالدوائر مالتنا ... كله فساد ورشاوي وواسطات ولواكة !!!

احنة هنا الرشاوي شوية اقل بس عدكم ابغداد شوية الجماعة متطورين ميقبلون الا بمحبس ذهب أو اي شي ذهب!!!!


نصيحتي الج كأخت ادفعي 200 دولار من البداية مرت الخ احسن من هاي البهدلة ....


وعلى جملة الله يخليه ويحفظه ... اني اكول امين يارب العالمين ويحفظج همين والاهل كلهم

تحياتي

البرجوازي العراقي said...

ورقتين زين ولا هل عراقيل لان الجواز جي جان تلث اوراق او اربعة بالاصل.

من جانب ثاني هاي مضيعة وقت وهاي العراقيل مقصودة حتى تدفعون الفلوس اني بالنسبة الي اشتري راحتي وادفع بس من شخص عميل مضبوط مو كل احد واحتمال اعامل على اكثر من معاملة واقلل السعر.

وطبعا هو هذه الجواز ما عرف شكو مسوي شنو احنا كل يوم نخترع جواز يعني لوش جواز جديد مادري؟

من جانب اخر هي شنو اهمية اذا الجوازات قسم منها بي تزوير اذا هي الجنسية العراقية تتزور للتبعية الايرانية اللي كاعدين بايران اللي ناسي شلون يحجي ووين بيتهم جان قبل وبعدين يجي يتمندل ابغداد.


مبروك ميشو بكل احوال أقتصاصج للجواز أي من واحد وجهه .... والله يحفظ زوجج وعمج واذا بالمصلاوي حماج

لان العم مال بغداد يسمو حمي بالموصل
سلامي للدكتورة فيوليت ايضا

البرجوازي العراقي
http://iraqiblogindex.blogspot.com

Sandybelle said...

اووووووووووووويلي
ياياااااابه
عوييييييييييييييصه
والله احنا سوينا جوازاتنا ب200 دولار
ابتسامه عريضه
جديات, هاي شنو, عمي الله يساعدكم مليون مره
وكل تأخيره وبيها خيره
لووووووووووووووول

سلامي خاله ميشووووووو, شونج؟ مشتاقون جدا كلش هوايه
تحياتي وبوسه

attawie said...

نكول مبروك لو ننتظر تلزمين الجواز بأيدج؟

اني ما اغير جوازي لآخر نفس لو يسقط لو يوقفون التعامل بي

لو تدرين المآسي مالتي لمن ضاعت شهادة الجنسية و هوية الاحوال المدنية طلعت صاقطة و كلها و اني دا اعقد.. السفارات مو احسن من المعاملات داخل العراق.. لعبان نفس بمعنى الكلمة :|

Michomeme said...

اي اتاوي باركيلي استلمته الجواز
و هنا الجوازات الجماعة يبدلوها مثل ما الناس تبدل ملابسها كل يومية شكل والله ملينا
ماكو ازعج من المعاملات بالعراق

網頁設計 said...

I am honored to wander your blog. Thousands of points can invite you to my blog to be exchanges. Thanks

離婚 said...

I am honored to wander your blog. Thousands of points can invite you to my blog to be exchanges. Thanks

抓姦 said...

You write very well..

外遇 said...

I am honored to wander your blog. Thousands of points can invite you to my blog to be exchanges. Thanks

抓姦 said...

I am honored to wander your blog. Thousands of points can invite you to my blog to be exchanges. Thanks

偵探社 said...

I am honored to wander your blog. Thousands of points can invite you to my blog to be exchanges. Thanks

尋人 said...

I am honored to wander your blog. Thousands of points can invite you to my blog to be exchanges. Thanks

討債 said...

You write very well..

討債 said...

I am honored to wander your blog. Thousands of points can invite you to my blog to be exchanges. Thanks

法律諮詢 said...

I am honored to wander your blog. Thousands of points can invite you to my blog to be exchanges. Thanks

passport said...

habibi i am so proud to see everything is on net and clear ,although i know it is difficult to get it but there some hope that you will get it and i hope all these difficulties will disappear,but i want you to imagine my children both are suffering for more than 10 years of not having their father nationalty syrian!!!both of my children has nothing to worry about exsept having a nationalty or a passport,the least humen right

網頁設計 said...

Are pleased to come to your blog to read your article! Thank you for sharing!

抓姦 said...

Are pleased to come to your blog to read your article! Thank you for sharing!

偵探社 said...

Are pleased to come to your blog to read your article! Thank you for sharing!

尋人 said...

Are pleased to come to your blog to read your article! Thank you for sharing!

討債 said...

I would like to invite you to visit my blog.

討債 said...

Are pleased to come to your blog to read your article! Thank you for sharing!

法律諮詢 said...

Are pleased to come to your blog to read your article! Thank you for sharing!