Thursday, October 13, 2005

we had a good time together...

البارحة بعد الفطور اجوني صديقاتي..سوسو ولولو وسونة...اجوي بالسبعة ونص ورجعوا بالعشرة ونص
وسولفنا واكلنا وتونسنا كللللللش
وصارلنا فترة طويلة مال متجمعين هيجي...وخاصة بعد احداث معينة خلتنا نبتعد لفترة وحتى من نتشاوف دائما نكون ضايجين لو ما ادري شبينا...بس الحمدلله رجعنا مثل قبل واحسن...والبارحة نا فرحانين اكثر لان لولو نجحت وراح تتخرج السنة من كلية العلوم السياسية جامعة النهرين...واتفقنا نروح لحفلة تخرج لولو..واكيد راح نتونس...وطبعا راح يصيرلنا ست سنين سوة...من جنا بالرابع الاعدادي ولحد الان وهسة احنة صف ثالث كليه....مرت علينا مواقف كلش حلوة....من ايام المدرسة ...جنا اني ووسن نروح على سراب ومن بيت سراب نروح للمدرسة وجنا نغني ....اصحاب انا وانت ولاًَ...فاكرين الماضي ولاًًَ..ناسيين كل الي بيننا...ولاًَََدة طبع الحياة
وجنا نغني اغنية لخ تكول الاغنية...
حبيبي يا امل بكرة...وليش الهجر صارحني...بقلبي في الك ذكرى عزيزة مهما تجرحني...اذا غلطان سامحني...
الله صدك ايام حلوة...واتذكر من رحنا سفرة للريحانة...صدك تونسنا وجنا مجموعة كلش جبيرة...اني ورولا وسراب ووسن..ومروة وايفيت وزهراء وبان....بس بعد التخرج ما بقينا نفس المجموعة الجبيرة....وبقينا بس اني ورولا وسراب ووسن واتذكر مرة رحنا لبيت رولا من جنا صف خامس اعدادي وسوينا جلسة....كعدنا بالكاع ووحدة لزمت ايد اللخ وسميناها جلسة تحضير الارواح لان بالافلام الاجنبية يكعدون مثل كعدتنا ويحضرون ارواح واتفقنا نبقى سوة وما يفرقنا شي ولا نزعل على بعض وحتى لو كبرنا والتهينا بأمور الحياة نبقى سوة وكلنا حتى اذا الله راد وتزوجنا نخلي ازواجنا يصيرون اصدقاء ونعرفهم على بعض واي وحدة منا من داومت كليه كالت لكروب الكلية عن صداقتنا...واني سويت هيجي شي ولولو وسراب اجوني للكلية وان شاء الله بهاي السنة اروحلهم للكلية واتعرف على جماعتهم.
ان شاء الله نبقى على طول سوة يا رب وما يفرقنا شي ...لان صعبة الانسان يلكة هيجي صديقات مثلهم...كلش صعبة ..وخاصة الصديق لازم تكون عندك ثقة بيه وكلما تحتاجة تلكاه يمك ويسمعك وتمسعه ويفمك وتفهمه وينصحك ويتناقش وياك...والحمدلله اني لكيت هذا الشي وية صديقاتي....احنة الديفلز....اطلقنا على نفسنا اسم الديفلز وبقينا سوية وراح نبقى على طول ان شاء الله
واحنة ما نضم اي اسرار بيننا واي شي يصير لاي وحدة بينا نسولف ونحجي ...وناخذ رأي بعضنا بهواية امور...
الله يديم الصداقة ان شاء الله

3 comments:

A. Damluji said...

hmm.. well, meant to comment on ur birthday post there but i came across this one and i hope u wouldnt mind!

:)

hey, i'm in nahrain uni, computer engineering, when u drop by, gimme a holler!
cheers and salam to everyone..

A. Damluji said...

oh and happy birthday!

:)

Michomeme said...

thax so much for your comment.