Tuesday, September 19, 2006

حبيسة افكاري!!


حبيسة افكاري؟؟
ممكن يكون هذا وصف مناسب للحالة اللي امر بيها!! بعدني ما متأكدة من الوصف صحيح لولا
اني بحالة محيرة واحس اكو مسؤولية عليه مدا اكدر اتحملها
لازم اتقدم خطوة حتى اعرف الشي الي دا امر بيه حاليا شنو نهايته؟
لا، اريد اعرف بدايته حتى اكدر استنتج اذا اكو اله نهاية اولا
اريد افقد بصري والكي الايد الي تاخذ بأيدي وتوديني لبر الامان!
اريد شخص يتخذ القرارات الي!!
ما اريد اتحمل مسؤولية الموضوع اللي اني بيه
الافكار متضاربة عندي بصورة خيالية
والحيرة موجودة والتوتر مسيطر على كل جزء بيه
حسيت بنفسي رجعت لمفترق الطرق الي كتبت عنه مرة
بس هالمرة القرار راح يكون حاسم ونهائي
محد يدري بشنو دا احس وعن شنو دا اكتب بس اختي موربيدو
مو؟ فهمتيني اكيد؟؟ ادعيلي...مو تنسيني بدعواتج...

10 comments:

Marshmallow26 said...

Dear Micho,

calm down and what you are suffering from is called " sulitude"
I guess may be because you are younger than your sister, then you are the spolied daughter...you didn't use to take over responsibilities, you had your jobs distributed between you and your sister, but once she hit the road, you have to double your power to do your and her job...


May be there are things that you didn't wanna share with us, but are controling your mind day and night!!

Oh well dear, be positive, talk to your mom and dad, call your friends and if you still in college, you will start the study soon and forget about this loneliness you have.

Take care

Little Penguin said...

آنسة ميشو العزيزة

أعتد المسألة اللي محيرتج تستحق هالقدر من الهم و التفكير بس مع ذلك نصيحتي الوحيدة هي التمسك بالعقل و عدم لتهور باتخاذ القرار لأن حضرتج مرأة و المرأة تحكمها الواطف في كثير من الأحيان.. فان شاء الله الأمور تكون على خير ما يرام و ان شاء الله مو بس موربيدو تندعيلج.. كلنه نندعيلج ان شاء الله..

مع خالص تحياتي

ahmed said...

وحدة من إثنين.

Omar Fekeiki said...

اني ما اعرف شنو القصة.. بس اكو شغلة اعتقد الهه دخل همين.. موربيدو هسة بعيده عنج وانت تحسين انه انت وحدج.. ابد م حسيت فد يوم بهذا الاحساس مال الوحدة والفراغ اللي حسيته بهذا البوست الاخير مالتج.. بس المهم م تخلين هذا يأثر على حياتج ودائما اتخذي القرارات الصحيحه.. اسألي وجربي، بس المهم تقررين بعد تفكير عميق

اتمنالج احلى حياة وكل الموفقية
عمر

LionKing said...

ممكن اسكت وممكن اعلق .. والثنين صعبة علية لابيدي السكوت ولابيدي الكلام لااريد من الجانب اللي يسكت ويكون بدون احساس ولا اريد من اللي يبدي بكلام لمواساتنا !!
اني هم امر بنفس الشي اللي ذكرتي بنفس الوقت .. التعليق هنا مو مناسب .. بس اكول صبرني يا الله

Anonymous said...

تحية طيبة
ربما المسألة تريد فقط التمسك بالأمور والتأني فقط
والإبتعاد عن التردد فهو سبب الهموم والمشاكل
دمت بخير
ورمضان كريم

Morbid Smile said...

Hello sister,

Hang on there! Everything will be cleared soon, and you're the only one who is going to say the final word.. just in its time!

I'm praying for you :)

tweety said...

الله يوفقج وتاخذين القرار اللي يرضيج
مرتني وايد حالة التخبط والحيرة هذي بس واثقة انج قدهاوقدود
حبوبة
مبارك عليج وعلى الجميع الشهر
وكل سنة وانتي طيبة

Fuzzy said...

مبارك عليكم الشهر

Michomeme said...

marshmallow26
شكرا على كلامج، ممكن يكون بعد اختي عني اله جزء من هذا التعب بالتفكير والحيرة لكن اكو موضوع اكبر وشغلني اكثر، اني ما ذكرته.
ما احس اني وحيدة لان على تواصل دائم وية اختي، اشتاق لوجودها وياية بالبيت بس الحمدلله اكو انترنيت وتليفون واحجي وياها على طول وكل يوم..

راح احاول اكون ايجابية وان شاء الله الحيرة تروح..
شكرا لحضورج الدائم





little penguin
شكرا على كلامك، دائما العواطف هي الي تحكمنا، وما ادري ليش يتهمون المرأة بهذا الشي، ترة كلنا بشر وعدنا احساس، حتى الرجال ممكن بلحظة من اللحظات تشوف مشاعرهم مسيطرة عليهم..وبنفس الوقت يجوز تلكى بنية ما تسيطر عليها مشاعرها وتقرر باللي يملي عليها عقلها..
شكرا على دعوتاكم..اللي شاغل بالي شي يستحق..وان شاء الله تهوووون





konfused kid
صح كلامك، وحدة من اثنين، بس مرات تشوف نفسك تريد الاختيارين، تالي تكول لو اكو اختيار ثالث جان عفت الاول والثاني واخترت الثالث حتى تبعد عن نفسك الحيرة..
ادري تفلسفت اني..
شوكت النتائج؟ نجحت ان شاء الله







24steps to liberty

حسيت ببعد اختي بيومها، ما انكر هذا الشي، جنت محتاجة احجي وياها، الوحدة احساس ممكن يسيطر عليه بثانية وحدة ويروح، لان اهلي وياية واختي وياية عالنت وعالتليفون وصديقاتي واهلي وناسي اللي احبهم..بس مرات تمر بموقف معين يخليك محتار ما تعرف شنو القرار الصح الي تختاره، بس نكول،مهما القرار صعب، بعد التفكير العميق اكيد يكون اتخاذ القرار اسهل..ويا رب الموفقية للجميع..
شنو اخبار الدراسة؟؟






lionking

الله يصبرنا كلنا، كلامك معقول، بس مرات حتى لو الواحد ما يكتب شي مو معناها ما يحس، يجوز تخونه الكلمات والتعبير فيفضل ان يسكت لان هو نفسه حاير ويمر بنفس الموقف..ارجع اكتب جملتي
في عز الكلام سكت الكلام...

اكمل اغنية عبدالحليم؟
;)







اومرزوك
شكرا على حضورك واهلا بيك، اكيد التردد هو سبب الهموم كلها، لازم يكون الانسان شجاع ويجازف، بس التردد هو اللي يمنعنا..
رمضان كريم عالجميع يا رب






morbid smile

Everything will be cleared soon!!
yes, i will say the final word

miss u soooo much






تويتي
رمضان كريم عليج وان شاء الله صيام مقبول..
والله يوفقنا جميعا..ويفرحني وجود تعليقاتج، والله يسهلها علينا يا رب





fuzzy
رمضان كريم...وكل عام وانت بخير..







احب اهنيكم برمضان، جميعا، يا رب يتقبل صيامكم ودعواتكم ويعيده علينا بالخير الصحة والسلامة ويكون رمضان الجاي احسن، ومستقرين وامان، ولو صارت احلام وردية ما ممكن تحقيقها..وماكو شي بعيد عن رب العالمين..
تحياتي للكل
ميشو